Við fengum verðlaun!
Síðan froskur.net lenti í öðru sæti í
heimasíðukeppni strik!s. Við vorum að koma
heim af verðlaunaafhendingunni þar sem við fengum léttar veitingar og
ávísun.
Við tókum nokkrar myndir eins og við var að búast:
litmyndir og
svarthvítar.
Núna erum við orðin fræg á netinu. Hér má sjá
frétt á strik.is og
nánar um úrslitin. Halló allir nýir gestir!
Meira um verðlaunin
Við Stella fengum tölvupóst í síðustu
viku frá Strik.is. Þar stóð:
Síðan ykkar
er í vinningssæti í heimasíðusamkeppni Strik.is
[...]
Ég
vonast eftir að sjá ykkur á verðlaunaafhendingunni.
Þetta
fannst mér skrítið því við skráðum okkur ekki í þessa keppni, auk þess
sem ég hélt að hún væri löngu búin.
Ég var því alveg viss um að
þetta væri Kári Ragnarsson að
stríða okkur. Við Kári höfum nefnilega verið í svolitlu
grallarastríði á netinu og grín af þessu tagi passar alveg við hans
stíl.
Einu sinni sendi hann mér bréf frá Unofficial European
Bowie Club og sagði að ég hefði unnið miða fyrir tvo á tónleika
með David Bowie í Belgíu. Ég yrði að svara þessu bréfi innan 30 daga,
ella fengi einhver annar miðana.
En í þetta skiptið sagðist
Kári vera alsaklaus. Við nánari eftirgrennslan kom í ljós að EllaDís
skráði okkur í heimasíðukeppnina og bréfið góða var alveg ekta.
Takk, EllaDís, fyrir að skrá okkur :-)
Þykir þessi vefur að mati dómnefndar gefa einstæða og afar
persónulega innsýn í líf og leik aðstandenda, sem eru
ófeimin við að hleypa netverjum inn á gafl á sér.
